廣東童謠雞公仔

隨着廣東經濟的發展加之人們生產生活方式的改變,近年來,廣東童謠較少被人重視。下面本站小編為大家整理了廣東童謠雞公仔，一起來懷念懷念吧。

廣東童謠雞公仔

雞公仔尾彎彎 做人呢點可以怕艱難 清早起牀返學去 執齊的書本啊上學堂 一分耕耘自有一分收穫 懶惰去做人呀 又點會有所成啊 做人呢當然要有精神 清早起牀有好習慣 經常都温書啊要學勤 雞公仔尾婆娑 三歲既孩童學唱歌 阿哥佢聽教O羅 媽就開心哂咯 阿哥佢唔聽話 媽就唔安樂 喔…… 大笨象會跳舞 馬騮仔會上樹 長頸鹿會打筋斗 山豬山豹山羊 山中有隻老羊 又見野狗與豺狼 松鼠斑馬老虎 獅子花豹野牛 跳舞和唱多趣味 重有青蛙咯咯咯 小鴨高叫quackquackquack “打開蚊帳 打開蚊帳 有隻蚊 有隻蚊 快D拿把扇黎 快D擺把扇黎 撥走佢 撥走佢

經典廣東童謠

1、月光光，照地堂，年卅晚，摘檳榔，檳榔香，摘子姜，子薑辣，買(胡辣、菩達、蘿蔔)，(胡辣、菩達、蘿蔔)苦，買豬肚， 豬肚肥，買牛皮，牛皮薄，買菱角，菱角尖，買馬鞭，馬鞭長，起屋樑，屋樑高，買張刀，刀切菜，買籮蓋，籮蓋圓，買只船，船無底，浸死兩個番鬼仔，一個蒲頭，一個沉底。

2、凼凼轉，菊花圓，炒米餅，糯米糰。亞媽叫我睇龍船，我唔睇，睇雞仔，雞仔大，拎去賣。賣 得幾多錢?賣得三百六十五個仙，得來買膏又買鹽。

3、點蟲蟲，蟲蟲飛，飛到荔枝基，荔枝熟，摘滿屋，屋滿紅，陪住個細蚊公。

4、賣懶，賣懶，賣到年卅晚，人懶我唔懶。

5、落雨大，水浸街。阿哥擔柴上街賣，阿嫂出街着花鞋。花鞋花襪花腰帶，珍珠蝴蝶兩邊排。

7、賴尿蝦，炒冬瓜，炒吾熟賴阿媽。

8、人之初，狗蝨多，狗蝨唔咬我，專咬先生兩公婆。

9、肥佬肥騰騰，買舊豬肉去拜神，行到半路屎弗痕，返到屋企沒曬人，打開個痰盥有敵人，肥佬只好做難民!

10、四眼哨牙突下巴，屎忽嬲嬲下，哨牙可以刨西瓜，落雨可以遮下巴，飲茶可以隔茶渣，劈友可以擋番下。

11、蘿蔔頭

蘿蔔頭，點豉油，點得多，鹹過頭，點得少，淡謀謀。佢以為，好正鬥，點不知，俾人踢羅柚，一踢踢到西門口。

12、排排坐

排排坐，吃果果，貓衣擔凳比姑婆坐，坐爛個屎忽，唔好賴我，賴番隔離個二叔婆

13、鬥柑

“篾”開柑，數柑核，邊個核多就邊個贏，吾準手賴就甘縮骨。

14、拍大骳

拍大骳，唱山歌，人人話我無老婆，嘀起心肝娶返個，有錢娶個嬌嬌女，無錢娶個豆皮婆，豆皮婆，食飯食得多，屙屎屙兩籮，屙尿衝大海，屙屁打銅鑼。

15、凼凼轉

凼凼轉，菊花圓，炒米餅，糯米糰，阿媽叫我睇龍船，我吾睇，睇雞仔，雞仔大，摞去賣，賣得幾多錢?賣得三百六十五個仙。

16、猜呈沉

呈沉剪，呈沉包，呈沉糯米叉燒包。老鼠吾食香口膠，要食豆沙包。

17、伏壘壘

一就預備，二就壘埋，三就開盤，四就嚟到，五到算數。

18、捉大賊

點指兵兵，點着誰人做大兵，點指賊賊，點着誰人做大賊。

19、估手指

估手指，要估中，邊個吾中，就吾中用，褲浪底見個窿。